Exchange Blog Project

Anic E mäude mi ou weder mou!…

August 07th, 2006 | Geschrieben von Anic.

So langsam aber secher gohts ufe 25. Auguscht zue. Ned mou meh 3 Woche! D Täg zöu i lieber ned..

Drom fohni mer langsam ärnschthaft afo öberlegge, was i am gschitschte i mi Koffer packe, ohni dass es die vorgschrebne 23 Kilo öberschritet.

Eigentlech hätti jo vorgha, de Koffer met Kollege z föue, wo ombedengt ou wei metcho. Allerdengs hei mer gloub langsam aui igseh, dass das ned so gschit esch.

 Hm… aber es närvöselet doch langsam… es haubs Johr lang ufemene andere Kontinänt! Ohni Familie! Ohni Frönde! Ond mini Chatze muess i ou dehei lo! ;-)

Heieiei, das werd no es Ghetto am Floghafe…

 PS: S Visum hani öbrigens becho, chorz nachdäm i mi do enne beschwärt ha! Jäh, jo. Ha jo nüt gseit… :-D

6 Kommentare

  1. Geschrieben von: Ürsu, August 7th, 2006 14:50
    Ürsu

    Auso wägem mitnä: Sandale, Sunnecreme, Huet und Wasser :P
    was sbruchsch no me usser chli chleider? ;)

  2. Geschrieben von: sime, August 7th, 2006 21:37

    Hm…i ha i mire Uhr e countdownzähler wome s Geburtsdatum vo eim säuber cha iigäh und denn zeigts a wieviu Tag ases bis zum nöchscht goht….I ha mis abreisedatum drito…und jetz seitmer mini Uhr , es geit no 32 Täg….:-S Langsam wirds ärnscht…obwou, chli Zyt isch no;-)
    Wägem mitnäh, d Kollege muesch haut dür Fotine ersetze..und de nimm fotine vo dire familie und vor schueu und dire umgäbig mit, das dene dört chli chasch zeige..
    und süsch…mitbringsel und was der ürsu ufzöut het ;-) ) das wär mi rat..Lg Sime

  3. Geschrieben von: Ürsu, August 8th, 2006 11:53
    Ürsu

    Abroppo Fortis: I ha d Feschtplatte vom Läptop ungwollt glöscht ;) auso, das passiert mer haut au joor einisch… das heisst alli fotine sind wägg… Jetz mues i wider vo vore afoo! :(

  4. Geschrieben von: Ricci, August 10th, 2006 12:20

    Hoi zäme
    Ich bi d’Ricci us Züri und gah am 14. August für es Jahr uf Kanada (Toronto).
    Ich wünsch oi allne es mega cools Jahr und viel Spass!!!
    Ja denn no e gueti Zit ide Schwiiz, ihr flüged a all nach mir.

  5. Geschrieben von: Anic, August 10th, 2006 18:55

    Merci vöu mou för d Tips! D Foti hani aui ufne CD packt, wöu das wenig Platz wägnemmt. S het zwar ned so vöu “Charakter”, se ufm PC azluege, aber emmerhen öppis.
    Die sller wechtigschte dueni aber secher no ergendwie böudlech verewige.

    Haha! Ürsu! S göi ned aui is warme Indie! E muess eher Mötze, Händsche, Wenterschueh, etc.. ipacke!

    Ond wäg dine Föteli: hesch die ned uf CD do oder so?

  6. Geschrieben von: Ürsu, August 15th, 2006 11:36
    Ürsu

    Nei! aber wenn is uf CD brönnt hed denn hedd i die au scho wider nöime versifft :P erinnerige spicherisch sowieso säuber ab, und fotografie isch für mi eher uf e gwüssi stimmig oder uf d natur bezoge. aber schaad isches drozzdäm, mues wider es paar fötteli vo mir dehei mache! ;)

Kommentieren

(zuerst einloggen wenn du ein Mitglied bist!)