Exchange Blog Project

Sime Spanie!!

September 12th, 2006 | Geschrieben von Sime.

So, jetz chani aumou vo Spanie us schribe..

I bi am Friti do acho und ines Orientation-Camp cho…doert simer de bis am Sunnti gsi und denn witergreist. D Familie woni ha hani vorhaer nonie gseh gha, drum bini zimmli naervoes gsi;-)

Si si mega lieb und haeuffemer sehr, mi do iizlaebe. I muesmi chli dragwoehne, dasi do viu weniger Privatsphaere ha. Mir zieh ues aui i eim zimmer um, sprich, uesi chleider si aui im gliche zimmer. dZimmertuer wird au nie zuegmacht, nume vom Bad. Gester Nacht hani ufs wc muesse und d Zimmertuer zue statt uf do. De bini hinger der Tuer gsi und doert isch e Spiegu und de hani mi saeuber gseh gha und hane haubi Hearzbaragge gha!;-))

I ha scho chli d Stadt gseh, glich gross wie Solothurn, au e schoeni Autstadt und so…und mir wohne grad am See…:-D

Bi eich vou der Gniesser, aber huet hani id schueu muesse goh um zwe tests zmache, dass si mi choei ine klass due, die hani vou nid choenne..! Morn fohni a, das isch guet, de weisi was mitmer afo und lehre chli d Luet kenne. Im momaent hani scho chli heiweh, aber do in schwizerduetsch zschribe duet guet….und aui mails zlaese und so…:)

so long…Lg Sime

4 Kommentare

  1. Geschrieben von: lm, September 12th, 2006 18:32

    mis schatzi, das tönt jo scho no schwirig, aber du schaffsch das descho, guete start i dr schueu und grosse umarmig dini mumgsi

  2. Geschrieben von: Ürsu, September 14th, 2006 07:11
    Ürsu

    Me gwöhnt sech schnäu a di file lüüt! s geit nid angers :P

  3. Geschrieben von: Schnetz, September 15th, 2006 14:10

    hei sime
    e ha immer a de dänkt und jetzt hani die itrag gseh…dasch de cool
    gniess der see au chli ver me…
    d manu und e hei üs höt am morge gad gfrogt wies der äch gingi;) chasch du vo dire gastfamilie us is internet?
    glg hdmmmmmmmmmmfg
    schnetzli

  4. Geschrieben von: Sime, September 15th, 2006 17:27
    Sime

    Hey Zaeme!
    Jojo, bis am gniesse so guet i cha, ha nur ghofft, s Waetter waer besser, mir hei jetz totau raege und s het sogar tornados geah, oeppe 2 stung vo do…!
    Jo, i cha vo mir Familie us is Internet:-D
    Liebi Gruess
    hdammmmmfg Simeli

Kommentieren

(zuerst einloggen wenn du ein Mitglied bist!)