Exchange Blog Project

Ürsu Assalam walaikum

October 02nd, 2006 | Geschrieben von Ürsu.

I de letschte paar dääg isch einiges loos gsii!

Am Fritig isch es indisches fäscht gsii: Dandiya. Me danzt mit 2 holzstäb i de händ.. Alli schüeler hed indischi chleider, auso sari und courtas(ähnlech emene lange t-shirt) agha, das hed zimmlech edel gwürkt! ;)

Vom Samschti uf e Sunnti hend mer en overnight-Hike ghaa. S Wätter isch aber zimmlech schlächt gsii, es hed grägnet und isch näblig gsii. Mir hed imene Fort übernachtet. Und mir si z füfte en bach dürab gloffe, bis zum top vomene wasserfall und hönd abegluegt! :D

Hüt wär eigentlech der CleaningDay gsii, aber ich bi mit es baar fründe nach pune gange, das isch di nöchscht grossstad(mir hend nid gross luscht ghaa, üsi hüser z putze!). ufem rükkwäg hei mer e reifepanne mit em jeep gha. der jeep hed üs nid ganz zrügg zum college brocht und so hei mer no es stück müesse zrüggloufe. uf em wäg isch der Anil (vo Kerala, Südindie) ines Loch voll “Bullshit” tschaupet ;) wägedäm isch är jezz ufem beschte wäg berüemts z wärde :P

liebe gruess
ürsu

7 Kommentare

  1. Geschrieben von: Schnetz, October 4th, 2006 13:33

    hei du
    e wett de mol emene sone chleid gseh:)
    gats der guet?vermissisch scho ergendöbis mega brutal?
    glg schnetzine

  2. Geschrieben von: Sime, October 4th, 2006 22:28
    Sime

    Jaejo, das moechtemer gloub aui;) Auso, Foti ane…! I wirde noechscht Wuchenaendi nomou es Orientation Camp ha, naer brichti de au widermou chli…
    LG Sime
    btw, weis oepper oeppis ueber Luekku oder Vale? Moecht die bitte offiziell us vermisst maeude i uesere Gruppe….(wanted);)

  3. Geschrieben von: Ürsu, October 5th, 2006 06:38
    Ürsu

    I brobiere mit em lükku über skype kontakt ufznää, aber mir hedns bis jezz noni gschafft… :(
    @ courte: ich lade zimmli glii es bild ufe ;)

  4. Geschrieben von: Anic, October 9th, 2006 07:35
    Anic

    Hey, ou jo, e wott di ou i somene Chleid gseh! ;-)
    Mer hei ergend einisch im Oktober e color day, wo aui schueler im gliche grade Chleider ire spetzielle farb moei alegge. Gloub e bi gaeub..
    Ond natuerlech esch scho gli Halloween, wo d Nordamerikaner aui totau scharf druf si.. Werde aeuae es paar schepsi Kreature z gsecht becho…

  5. Geschrieben von: Sime, October 15th, 2006 12:54
    Sime

    He du, wenn chunnt das Foti jetz eich vo dir i daem chleid:P?
    Lg Sime

  6. Geschrieben von: Toubi,Giänu & Mänu, October 31st, 2006 09:38

    Hey Ürsu
    jetz bisch scho so lang z`Indie und d`Schueu isch so richtig troschtlos ohni dini super Sprüch… ;)
    Mir hoffe es geit dir guet u du chämsch wider emou verbi!
    Übrigens hammer Biträg u Brichte uf dere Site.
    hätisch irgend ä e-mail adrässe wo me dr chönnti schriibe? wär no kuhl…
    und mir si gliich schöner aus du… Giänu, Mänu & Toubi

  7. Geschrieben von: Ürsu, October 31st, 2006 10:37
    Ürsu

    Salüü!! kuhl mou wider öbbis z ghöre! irgendwie vermissi se au, chase bis jezz noni würklech is änglische übersetzte!
    @ schönner si aus mi: filech nid der schönnscht, aber im GROSSE und ganze der bescht? loo mer übrigens mou d hoor chli lo wachse! ;)

    auso d mail isch ürsu mit ue @magahugu.net! ha ar breiter mol es mail gschribe, dä morge! s isch nid lang, aber müend de filech e minute weniger zeichne :P !

Kommentieren

(zuerst einloggen wenn du ein Mitglied bist!)