Exchange Blog Project

Sime Orientation Camp

October 08th, 2006 | Geschrieben von Sime.

Hallo Zaeme!

So, jets chunnt widermou chli Bricht minersits…

Und zwar bini grad vo uesem erste Orientation Camp do heicho, auso s erschte womer schomou ide familie si gsi….

Gott, das isch herrlech gsi, mir hei mega viu gredt, ueber uesi Familie, Spanie und (s wichtigste) uesi schoenschte, witzigste und piinlechschte Momaent do…Der eint het zum Bispiu us versehe dehei d Alarmalag indedo anstatt usegnoh und de isch d Polizei mit 3 Wage undeme Heli (!) cho…und (der glich Typ..) het verzoeut, aer sig ir Schueu wiene usserirdische agluegt worde woner mit Sandale und Socke (auso glichzitig) isch id schueu cho….Eini het ihri Lehrerin (unabsichtlech) ‘puta’ gnennt…eine het us versehe sis Puut demoliert, eine hetsech ufem Baukon usgsperrt und und und…I ha eich gmeint, es heig meh Luet mit ‘Problem’, woeumer aui gseit hei, es sig nid normau bis jetz keni Problem zha…aber es si emu aui zfride bis jetz.

Am Samschti (aso gester) simer de am Obe no uf Barcelona saeuber (s Hotel isch echli usserhaub gsi) und hei gsunge und tanzet und trunke….und huet morge simer nach oeppe 4 Stung schlooffe wider uf und hei ufeme Platz mueesse Luet go Sache ueber Barcelona froge…das het e Zeichesproch gaeh du!;-))

Morn muesi (leider?) wider id Schueu….im Momaent mani nid dra daenke, i bi eifach nur no mueed…Aber em Donnschti isch do e Fiirtig und drum heimer donnschti und friti frei…und de goemer de nach Tarragona (noechi Barcelona) und bsueche mini groesseri Gastschwoeschter, i freue mi scho.

Jo, das waers eich scho wider sowit…Mir geit’s aecht guet do und aues und i freue mi jetz druf, z dusche und de is Bett zgoh:)

na nit i hsta prnto Sime

4 Kommentare

  1. Geschrieben von: Ürsu, October 9th, 2006 06:40
    Ürsu

    Wow, tönt kuhl! ;)
    en helikopter? das erläbsch zimmlech säute :P und was hesch dene vo dir verzellt? dini probleem?

    mini spanisch-klass started ersch nach de winterferie! aber i cha scho chli öbbis… ;)

    ürsu

  2. Geschrieben von: Sime, October 9th, 2006 20:45
    Sime

    Ja, was chasch de scho so?;)
    I ha mis Gschichtli verzoeut, woni ider Nacht mou us versehe mitem Spiegu gredt ha woeui gmeint ha es isch d Tuere…:-) Aber jo, laengi Gschicht…

  3. Geschrieben von: lm, October 10th, 2006 09:31

    meine kleene, bin hier bei erhard am compi, geniesse meien ferien. ich hab ihm deine seite gezeigt, sodass du vielleicht auch von ihm mal hörst. ganz liebe grüsse von uns beiden - wir werden jetzt alte fotos anschauen . bussi deine lm

  4. Geschrieben von: Schnetz, October 11th, 2006 11:25

    hei du cool weder ölbis z ghöre…
    e bsueche die site mindistens all 2 täg….
    e wönsche euch no spannendi lustigi und schöni erläbniss glg schnetz

Kommentieren

(zuerst einloggen wenn du ein Mitglied bist!)