Elk and turkey…
Schlurp! Jetz hani grad e Jello-Jiggler gaesse. Das esch so ne wabbeligi masse wo d Kids do liebe. (Vellech kennet der jo die komische Gugelhopf-foermige, gruene, rote oder soesch schraege Wabbeldenger us amerikanische Foeume.)
Im momaent fuehli mi wie ne gschtopfte Truthahn. Tatsaechlech hani grad es riisigs dinner gha. Do in Canada esch drom Thanksgiving, dass heisst: turkey, stuffing, mash potatoes, cranberryssauce, voeu z voeu guets Zueg meh ond schlossaendlech (wie wenn me ned eh scho chorz vorem Platz-Tod stoht) pumpkin-cheescake. Aaaaahhh, fein..
Sit i s letschtmou gschrebe ha (was scho e Ewigkeit haer esch! Sorry a dere Stoeu!!! 
) esch so voeu passiert. Letschts weekend bini met mire Gaschtfamilie ond ere Froendin, d Marion wo loschtigerwis ou e Ustuschschueler us der Schwiz esch,i Jaspernationalpark gange go zaeutle.
Eines schoenen Morgens legi so zfrede i mim warme Schlofsack, met Haendsche ond Chappe gaege d Choeuti im Zaeut, daenke a nuet boesers, womi ploetzlech mini Gaschtschwoeschter Grace weckt. “Do you hear the elk?” (A dere Stoeu muessi erwaehne, dass elk ned gleich Elch, sondern Hersch(chue) esch. E Elch esch e moose.)
Ouso hani mini muede Ohre gspetzt ond daem komische Gruesch glusched, wo oeppe glich toent, wie wenn zfescht ine Blockfloete blosisch ond s foht afo quitsche.)
Esch mega ufregend gsi. Nachemene Wili hei d Grace ond e gmarkt, dass mer zemlech drengend ufs WC muesse, wo oeppe 20 m vo uesem Zaeut entfaehrnt gsi esch. Auso mache mer der Risverschloss vom Zaeut uf, luege use ond…!!!…!!!…!!!
SCHOCK
Uf haubem Waeg zwoeschm Zaeut ondm washroom stoei eifach so 4 riiisiigi, bruni Herschchueh!!!
Auso hani schnaeu d Marion gweckt ond mer si so vorsechtig s esch gange zom Outo ghyperet om uesi Kameras z hole. Mer hei es paar tolli chnappschoess vo us bedne, total verpennt ond i de Pijamas oeppe 5 m vo de Herschchueh entfaehrnt. (Leider chani se ned oder noni zeige, woeu d Foeteli ned uf daem PC si). ond denn, nachemene Zitli, chonnt ploetzlech, majaestisch, der buck (Hersch) himself, metemene riisige Gweih ufem Chopf! Verschrocke si mer so schnaeu wie moeglech weder i uesi Zaeut zrogg gschnogget. Der buck esch drom, wenn er sech oder sini Haerde bedroht fuehlt, raecht gfoehrlech. Vorauem jetz wo gloub no Paarigszit esch.
Ou naebscht dene elkische Erfahrige hei mer e genials Wochenaendi in ond om Jasper verbrocht, met Naturspaktakle wie riisige Wasserfaell, e Canyon, verschedene hikes,…
Canada esch eifach scho es fantastisch schoens Land!!!
So. e weiss ned, wenni mi s noechschte mou maeude. Hoffe fende chli eher Zit ond cha denn ou es Boeud ufelade. Ond soesch, per mail bini tip top erreichbar!
14 Kommentare
Kommentieren
(zuerst einloggen wenn du ein Mitglied bist!)
Luisa @ Norwegen, UWC 
Sophie @ Portugal, AFS 
Sime @ Spanien, AFS 
Anic @ Kanada, STS 
Lükku @ USA, YFU 
Fee @ Frankreich, AFS 
Ariane @ Neuseeland AFS 
Anja @ Italien, AFS 
Noemi @ Indien, UWC
Salüü! jaja! alde es biud ufe! äs suun äs possibel!
lg ürsu
ich glaub wenn das so sich, mues i no uf kanada irgendwenn i mim läbe!
Jo, du!
Du muesch mou met mer uf Kanada cho, ond e chome mou uf Indie.
(Ond e Afrika Reis schoudisch mer ou no!!!…)
Die isch für sicher! Und faus do no öbber nach afrika will, söu mers eifach säge
Ah, meinsch ladsch ues i?
hey aniiiiiiiic!ändlech ghört me weder mou öppis vo der!be froh, dass es der so guet got ond dass es so guet droffe hesch!schribe der jetzt de mou es mail. ond, s gschänk hesch ärnschthaft no chöne iipackt looo?respect…e wär vöuu die grösseri gwondertüte(sones rechtig schwiizerischs wort)!dämfau, machs witerhen guet ond pass uf di uf!hdg tanj
Hey Momochen
) Soans fit? Schön, dass es dir so guet geit! Hoffe wörkli du gniessisch die Ziit in Kanada und vermessisch öis nid zfescht!? *gg* jo hoffe me ghört sech mau…..Eg weiss nid öb du mis Mail mau becho hesch oder nid…wirde der sesch de weder schriibe! Have a nice Time!
p.s. d karibik und Chicago sei dr Hammer gsi met dr Mim
) Hed voll gfäggt!
he salü! dönt wie öbber us der pfadi? mir mache im collgege en chline alass für pfader, isch eigentlech es chlises jamboree, ich brobiere mou es polnish bulldog z organisiere
Salü Ürsu
Jawohl! öber us dr Pfadi
)
Au jo weisch wie loschtig, es polnish Bulldog in Indie!
let’s fet’s!! ;o)
no en gueti ziit!
Hey Momo….eg ha jo au en HP, woni Föteli druflade…. www.flickr.com/photos/martinaschenker findsch au vode Ferie….vell vergnüege bim lache und aluege! ;o)
hey du, ha der höt grad es mail gscheckt….hoffe, dass es acho esch!tschüss
hoi zäme,
mini lieblingstochter isch i dr jetzige woche in vancouver etc. am umegurke.
si bechonnt euchi mails sicher, si schribt nor ned immer grad zrogg.
si het vell *ztue* & zum erläbe….
es gfallt ihre würkli guet & het e familie, wo guet zu ihre passt. oder eher, si passt guet i die familie…ggg
seich, dä kommentar do obedra het ned anic gschrebe, sondern anicmother……
bi sehr pc-wasserstoffblond, sorry…
Sali der Fretze!
@ Martina: Dis Mail hani ergendwie nie becho. Derfoer bini jatz grad uf dire Foeteli Site gsi. Bsonders gfaue hei mer jo dini foehrcherlech kreative Kommentaer!!!…
@ Tanj: Merci voeu mou foers Mail! Ha der sogar zrogg gschrebe!!!
@ Uersu: Hammer! Wott ou cho polnisch bulldog spele!
@ Mam: Merci foer dini managende Isaetz. (Das toent ergendwie komisch, wahrschinlech chame das ned saege. Aber e ha so chli s Schwizerduetsch Gfueu verlore…)
@ anic: bis jezz noni id d taat umgsetzt!
@ anic: brief fasch gschribe!
tschüss!