Exchange Blog Project

Sime Barcelona-Tarragona-Banyoles…

Oktober 15th, 2006 | Geschrieben von Sime.

Hallo Zaeme!

I weiss zwar nid wie’s euch geit und wieso niemmer Itraeg macht, aber i erlaebe do grad einiges…

Am Donnschti isch do Fiesta gsi (frogetmi nid was, eifach Fiesta) und am Friti Bruegg (uebrigens machesi do au Bruegg wenn der Fiirtig am Mittwuch isch:D, jedefaus heimer Bis huet 4 schoeni Taegli frei gha…

I bi mit minere Familie españolos uf Tarragona, die oeuteri Gastschwoeschter go bsueche, um ihri Tochter zgseh (mega sueess) und mi ihrem Fruend vorzstoeue;)

Mir hei de am Donnschti Mittag japanisch gaesse…I stoh zwar nid wuerk druf, aber was soeus. Mit de Staebli isches mega lustig gsi, vor auem woeumer’s aui nid hei choenne. Der Riis isch au nid so praktisch chlaebrig gsi sondern schoen usnang und mir hei ues eine abgchrampft;) I ha’s eich gar nid so schlaecht gfunge, nur der Fisch isch gwoehnigsbeduerftig, aber Fleisch, Gfluegu und Thun und salat, Riis und au das isch super fein gsi…Aues ider Mitti ufere draeibahre Platte…

Spoehter simer de no uf d ‘terraza del mediterraneo’, e chlini ahoechig amene aendi vonere Stross vo wo us der ganz Tarragona-Strand cha ueberblicke…wunderschoen, mit liechter Brise, 24Grad undere Glacé…:D

Am Friti isch de Maeret- und Chleiderchoufftag gsi…Der Maeret isch ganz Mittuauterlech gsi, aui verchleidet wo oeppis verchoufft het, mit Fauke und Gaukler, Kalligrafiestand und Haexe…eifach aues, so richtig stiuaecht. Der Chleiderchouffteil hetmer aber nid gfaue;) Woeu do die ganzi Familie im Aecke hesch gha wo ufdi gwartet het wenn oeppis hesch gchoufft…

Und denn simer wider hei…und i merke grad dasi mega id Detaill bi gange:P^^

Aber wenn do suesch niemmer oeppis schribt, mues ig der Platz haut fueue…gester obe isch de nod Familie voder angere Ustuschstudaentin do cho…huet traeffemer ues wider, mir si fasch chli wie Schwoestere…

Vale….und buen domingo y hasta pronto

Sime

PS: Ha Schoggi gchoufft do usder Schwiz…himmlisch

7 Kommentare

  1. Geschrieben von: Schnetz, Oktober 15th, 2006 15:08

    hei du isch jo huere geil me werd gad nidisch weme das list… zwar de fisch chönt me vo mer us au wäglo:)
    he e wönsche no
    ganz schöni ziit schnetz

  2. Geschrieben von: Ürsu, Oktober 15th, 2006 18:44
    Ürsu

    Salüüü! auso mir in indie ässe der riis mit de händ. es isch chli eifacher, aber es brucht chli gschick dases nid usgseht wienes baby wo isst ;)

    phir milenge
    ürsu

  3. Geschrieben von: Nici, Oktober 17th, 2006 23:10

    Hoooooi Schatz!
    So wie’s usgseht geits der ganz guet do, oder?
    I hoffe dini Familie isch au immer nätt zu dir und duet di lieb behandle und macht ganz vüu Reise mit dir damit chli öppis erlebsch. Tönt aber aues sehr guet.

    I vermisse di unendlich mega fescht und pass uf di uf!

  4. Geschrieben von: Nici, Oktober 17th, 2006 23:12

    heeeeeee man jetzt hets nid mou aus gschribe soo ne frächheit, auso i ha no wöue sägä.. gaaaaaanz vüu härzli und e dicke kuss!!! :D

    Niciii

    ps: i cha au spanisch!! lueg: que te den por culo, i bi guet gäu? :D liiieb di ganz fescht

  5. Geschrieben von: Bigi, Oktober 19th, 2006 22:19

    Hallo simi
    das isch jo toll, was du do aus scho erläbsch. Merci vüu mau für d’Charte. Hets lm dirs bildli vo der Sarda gschickt. Isch si nid obersüess? Wie nes bebe wirds sie gschöppelet. Wo d’Nina z’Sardinie gsi isch, hei si au aubot scioppero gha. und natürlich die brüggli.
    Ganz liebi Grüessli us der langsam chaute Schwiiz.
    Bigi

  6. Geschrieben von: Sime, Oktober 20th, 2006 22:56
    Sime

    Hallo…..ja, die lm hatmir ein foto geschickt….so suess!! was ist scioppero? Ganz liebi grueessli usem immerno ertraeglech warme spanie Simone

  7. Geschrieben von: Ürsu, Oktober 21st, 2006 05:59
    Ürsu

    Auso mir hei schones baar lüt gseit, dases jetz de chalt wird in indie! auso filech chli chüeler ;) mir hend jezz meischtens 33 grad oder so, s ischauso au guet uuszhaute ;)

Kommentieren

(zuerst einloggen wenn du ein Mitglied bist!)