Exchange Blog Project

Anic When the snow falls wunderbar…

November 05th, 2006 | Geschrieben von Anic.

Brrrrr… S werd langsam chaut in Kanada!
Am 27. ond 28. Oktober hets non stop gschneit. Hoet ou weder. Heis auso zemlech wiss im Momaent!

Hoet bini s erschte mou uf cross country ski, auso Langloufschi gstande. Dasch gar ned so eifach, uf dene Zahnstocher d Balance z haute!
Nachdaem i die erschte paar Minute praktisch duurend ufem Hosebode verbrocht ha, eschs denn met der Zit doch echli besser worde ond e bi flissig Rondine gfahre. Do chonnt me schoen is schwetze. Haett jo ned daenkt, dass das so aschtraengend esch. (Ha emmer gmeint, es sig e Sport foer Grosis, etc. Ond emmer wenn i das do oepperem erklaere, lache si mi us. Aber es geht do jo ou schliesslech Kids wo met groeschter Froeid Golf praktiziere…)
Bevor mer ues aber i chaut Schnee gwogt hei, bini met der Tinka i ne Stofflade go Stoff ussueche. Si wott mer drom e real canadian stocking naeihe, das si die loschtige Socke, wo a Wiehnachte onters Chemi haenksch.

Oebrigens bini vor oeppe ere Woche foer 6 Taeg in Vancouver ond Victoria gsi. Das si DIE 2 Staedt do in BC.
Esch e hammer Trip gsi, mer si go Wale luege, si imene Theater gsi, wos om nes Italiaenischs Hochzit goht ond du ned nome zueluegsch, sondern met de Schouschpeler metschpoeusch.
Witers hei mer natuerlech voeu (z voeu) Zit zom Shoppe gha, was mim Portmone ned so guet do hed ond am letschte Obe hei mer e riisigi Karaoke Party gha. Haett jo nie daenkt, dass i so oeppis mache, aber das esch mega loschtig!!! (S guete esch, dass di saeuber ned woerkli ghoersch, was gloub ou besser esch…)
Zuedaem hei mer doert ou pumpkins, auso Choerbisse gschnetzt. I de letschte 2 Woche si mer vo dene scho 3 onters Maesser cho ond wahrschinlech hani es gwoesses Talaent im Choerbis schnetze, jedefaus hani geschter imene Pumpkin-Carving-Contest der erscht Pris gwonne. (Guet, sesch ned so e serioese Kontescht gsi, aber es macht eim doch chli stouz gaege Luet z gwoenne, wo ehres Laebe lang jedes Johr e Choerbis schnetze…)

9 Kommentare

  1. Geschrieben von: Anic, November 5th, 2006 04:52
    Anic

    Du Uersu, e ha probiert Boeuder ufe z lade, aber ergendwie klappets ned. Chas si das si z gross si, oder a was choennts legge?

  2. Geschrieben von: Tanj, November 5th, 2006 13:33

    hey aniic! merci vöu mou för dis, chorze?!?:-D mail!hihi…was du aues erläbsch, das esch jo mega cool!soon its your birthday ond jo, hoffe, du hesch de fröid a öisem gschänk…:-Dhehe…schribe der de gli mou einischt weder zrog!hope to hear from you soon!

  3. Geschrieben von: Nati, November 5th, 2006 15:14

    salüüü mömerli!

    ha dänkt e mues der mol do schribe…. fröi mi grad, dases der schinbar so gfallt z canada! :-)

  4. Geschrieben von: mam, November 5th, 2006 15:46

    hey anic,

    bi scho sehr beruhigt, weder mol öpis vo der zläse……..ha scho dänkt, du sigisch i dr enorme witi vo kanada verscholle…. :-) )

    oder du heigisch üs vergässe……… :-) )

    jo, spötischtens, wenn alli CAD vershoppet hesch, würdisch di weder a dini wurzle erinnere….ggg

    also im ernst:
    freut mi sehr, dass alles ok bi dir isch und du so vell schöns erläbsch !!!

    säg, hesch immer no kei elch xe ???

    wale, bäre, gar e wisse,lachse,eichhörnli, sösch do die tierli mit gweih….. also bevor ned e elch xe hesch und am liebschte au gfötelet, muesch ned us canada usreise…….ggg

    gruess vo allne 2-& 4-beiner a alli

  5. Geschrieben von: vane, November 7th, 2006 18:27

    hey Anic,

    freut mi mega, dass es der so gfaut. do bi eus lauft ziet wie verrückt, i glaube das isch bi der net anders. ah jo, magsch di no a euses msn-gspröchli erinnere? ha dprobeziet erfolgrich bestande. döfsch ne de läse, sobaud du irgendwenn de heiwäg wieder findsch. do hani zwor ke zwiefel, dfrog isch numme wenn. hoffe ziet goht schnäu verbi, glaube ebe de hugi haltet mi nüm lang us. er lidet chli fest wäge mer. du weisch jo scho wieso (tipp: Silväster)

    e ganze liebe gruess vo aune wo de kennsch usäm chaute, verbaute Rohr.

  6. Geschrieben von: Kathy, November 17th, 2006 19:44

    Hey Anic!!!!
    E wett der jetz haut mou uf däm Wäg :) aues aues Gueti ond vöu Glöck zom 18. Geburtstag wönsche!!! Tja, jetz wärsch auso ou so aut… *grins*
    E hoffe du hesches guet ond chasch di Geburtstag mou ganz andersch i voue Zöög gniesse!!!
    Hdmmmmfg
    Grüessli Kathy

  7. Geschrieben von: Schmidi, November 19th, 2006 19:22

    Hey Anic au eg wönsche dir no (wenn chli au chli zspot,wöui zerscht ned tschegget ha,dassi der jo eifach per Internet cha schriebe…) aues aues aues Gueti zo dim 18. Geburi!!! Hoffentlich stossisch de met de Hirschchüeh und de Elche zäme druf a, ah und dänket drbi au mou a üs;-)

    (ah,eg ha der sMathe noni gschickt, hesch drzit das aues azluege oder söuis dr ersch gäh,wenn ir Schwiz besch? Ah jo und be üs het sech de au Öbbis gänderet in Sache Liebi- es paari vor Klass hei dr zwöit Früehlig;-))

    Liebs Grüessli
    Schmidi

  8. Geschrieben von: Martina, November 20th, 2006 14:08

    Hey du, Auti!:-P

    D’Lea isch so lieb gsi dr vo mir zgratuliere, aber i has jetz sogar säuber is Net gschafft, drum hani dänkt i müessis jetz doch no sälber säge:

    Gaaaaaaanz liebi, nochträglichi Geburtstagswünsch und ganz es dicks Schmützli uf dini rote;-) Backe. I hoffe du heigsch ä super Geburtstag gha, au wennne nit mit öis hesch chöne fyre(jo, i weiss, eigelob stinkt:)).

    Es tönt ganz eso, aus öbs dr guet goht und das fröit mi riisig. Aber ig hoffe, dass trotzdäm widr gärn id schwiz zrugchunsch.
    Mir hei jetz die Wuche Projektwuche und chöis zimli locker neh, i ha aber irgendwie sGfühl du heigschs immer no lockerer aus mir. Vo dämhär hani vouschst Verständniss, dass dr überleisch no länger dörtzblibe.:)

    So, i set langsam(i tue mit drMirle Metall bearbeite *hämmer,hämmer*)

    Glg vu mir und aune andere wo di kenne.

    P.S.: Congratulations zu dim Sieg im Pumpkin-Schnitze.:-)

  9. Geschrieben von: Anic, November 23rd, 2006 18:20
    Anic

    Hey zaeme, der liebe Luet!

    Merci voeu voeu mou foer d Gebortstagsgratulatione!!! Hey, dasch es langs Wort!!!…

    Soso, Schmidi! Do haett i aber gaerm genaueri Infos derzue!

    Ond jo, es esch emmer no zemlech easy. Hoet bechoeme mer zwar Repotr cards, das esch so wie nes Zuegnis wo ues zeigt, wie mer nachem erschte Quartal stoei. Aber e gloube bi mer gehts nor es paar kommentaer wie “besucht”,,,

    Oebrigens soettet der de gli mou einisch e Brief vo mer becho. Schmedi, wasch dini Adraesse? Chasch mer se maile? Merci.

    See ya

Kommentieren

(zuerst einloggen wenn du ein Mitglied bist!)