Exchange Blog Project

Ürsu Soap-Football!

December 01st, 2006 | Geschrieben von Ürsu.

I ha nes Bild gfunge!

I ha nes Bild gfunge!

Hüt hend mer im college Soap-football gspillt. Das isch im grund gnoo fuessball imene chline fäud, und denn chunnt no chli gschirrspüeler ufe grund(es isch es plaschtig am bode wo me denn mit seifewasser nass macht). Nid schwäär forzstöuä dases zimmlech glitschig wird und me immer wider umgheit und ufem bode sittzt :D ! ich brobiere nones bild dervo ufztribe! üüses team hed d hor grüen gfärbt ghaa, mit water-based wall-color ;) hed es zitli bruch zum das wider usezwäsche!

im momänt sind in pune unruhe und protescht usbroche und mer dörfe wäge däm nid nach pune go. aber ich sött zum d tickets für e flug uf d maledive z organisiere ;) gange nämmlech mit öbberem vo dört über d wienachtsferie uf sini insle!!

8 Kommentare

  1. Geschrieben von: Schnetz, December 1st, 2006 16:56

    hei isch ja cool
    het dä e eigni insle?
    werum hets dört protests?isches sehr gfährlech?
    glg hdg und pass uf de uf;)
    vermiss die

  2. Geschrieben von: Ürsu, December 3rd, 2006 12:02
    Ürsu

    Auso das isch natürlech nid “sini” insle, aber das seit me eifach so will si zimmlech chlii si ;)
    ja es isch e politischi unruei usbroche, und s sind proteschte im gnag gsi. aber das leit sech wider…
    hdag
    ürsu

  3. Geschrieben von: Bäschtu, December 5th, 2006 17:57

    Jee Uersu…!
    Ig ha hüt der IE 7.0 installiert. Jetzt zeigt’s die Magahugu-Site richtig a! Mir hei jo vor 2 Johr no i dr Bez i der Coopzitig gläse, dass dä Ändi 2007 usechunnt. Und isch würklech besser aus der FF.
    Isch huerre guete Explorer und super Design!
    Obwou es heisst, dass s Design mit em nöie Betriebssystem ‘Vista’ vo Windows no besser wär. Das System isch jo scho dusse, aber nur für Firmene, und i de näschte Zyt isch für aui zha. Hesch jo sicher au scho gseh…

    Gruess

  4. Geschrieben von: Kruse, December 5th, 2006 20:39

    oha, do chani dini Freud aber gar nid Teile. Ha zwar der IE 7 noni usprobiert, doch wird är immer no langsamer si aus firefox 1.5 (es bitzeli tunt aber naja ^^)
    Und Vista fing ig e schweinerei. Huere Hardware-Hunger, smeisti nume aubgluegt und usserdem immer no so huere abgsperrt. Directx 10 (irgendöpis was für Grafikkarte bruchsch, ka was) funktioniert nume für Windows, was bedütet das Linux etc witerhin usevor bliebe bi spilli. Usserdem chotest Vista normal ca. 400 Fr. :-(

    Bähh eigentlich hani jo öpis zum böud welle säge ^^
    Gsiht hammerlustig us! Und sit wenn hesch du grüeni Hoor? ^^
    Mach unbedingt es paar Böuder vo de Maledive!! Dört söus hammerstränd ha…..XD

  5. Geschrieben von: Anic, December 6th, 2006 08:02
    Anic

    Fendes jo scho zemlech unfair, dass der i Badhose uf glitschige Seifeblache omeroetschet, waehrend e mer do oeppis abfruehre! ;-)
    Mer hei letscht Woche im Schnett -30 Grad gha. Jetz eschs aber weder “warm”: Nome no -15 Grad…

    Derfoer hani geschter ond hoet mi erscht Elch gseh, aer esch zmetst imene Garte gstande ond hed ergendwelchi Buesch gfraesse. Das si risigi Dingers, die Elche…

  6. Geschrieben von: Ürsu, December 6th, 2006 16:53
    Ürsu

    hehe! bi mir isches eigentlech au chalt, so öbbe 30 grad(es isch winter, und 30 isch do nid fill…)! aber hesch rächt, s wasser gfrüürt nid! hehe! mir sötte das mou mit der pfadi mache.

    auso s vista isch irgendwie nid e gueti löösig, brucht z fill hardware und z fill strom. zudäm isch der grafischi teil nume vom os x(mac) abglueget, und nid würklech usgrift wieni vermuete… mues mou der chrigu frooge ;)

    liebe gruess
    ürsu

  7. Geschrieben von: Bastian, December 6th, 2006 21:46

    Jo abgluegt oder nid… sgit sicher au Sache wo Mac genauso abgluegt het und mi darf nid vergässe, dass Windows zersch cho isch und zwangsläufig aus Vorbüud het müesse agluegt wärde. Ig bringe do au immer es ganz extrem simpus Bispüu: Die autbekannti Windows-Tasklischte chunnt au bi anderne Betriebssysteme vor und de muesme sich froge wieso aui die Tasklischte in Form vomene Bauke mache wome s bekannte Menu in Form vonere Lischte cha öffne. Es luege aui enander ab und nid nume Windows bi Mac. Das isch übrigens nid nur i dr Computerbranche so, s Abluege ansich isch jo au nid schlächt. Ig meine Windows isch jo vo sine Produkt überzügt und Mac meint genauso ihres Züg sig am beschte. Denn wenn Windows überzügt wär, dass es zvüu Hardware brucht, denn würde si das jo verbessere. Eine wo Windows het goht jo au nid go behaupte, dass öbbis anders besser wär oder umgekehrt. Ig säge au mis ‘Principia’ Velo sig am beschte, wenn ig es ‘Scott’ hät würdi säge ‘Scott’ isch am beschte und aues andere schlächter. Bluewin seit sicher au si sige besser aus VTX-Mail… Mi cha immer Negativs und Positivs finde…
    Ig ha übrigens erschtgrad gläse, dass es riesigs Untenäme sich gäge Linux entschide het und nächer Windows gno het. Uf dr Windows-Site isch gstande, dassme zu dämm Entscheid cho isch wägem Punk ‘Zueverlässigkeit’ vo Windows.

  8. Geschrieben von: Kruse, December 7th, 2006 21:38

    jungs, das ufert us ^^
    Aber ha mer Ie7 mau agluegt und gseht würklech nid schlächt us…aber dfavorita löu sich nid importiere…

    Übrigens uf fidschi hets e Putsch gäh! Irggendwie isch es bi dir wohl grad sehr uruhig. Uf Sri Lanka isch Bürgerkrieg, und in Indonesie herrscht momentan es Militärregim….XD

Kommentieren

(zuerst einloggen wenn du ein Mitglied bist!)