Carolfest
Carly and me
“Hark, hear the bells. Bright silver bells…”
Met dene Wort ond ere foehrchterlech eisitige Melodie hed der Chor vor Smithers Secondary Highschool letschte Mettwoch s, vorallem vor wibleche Bsetzig haer, langersehnte Carolfescht igstomme!
Mer si i 2-er Reihe (wie im Chendergarte, nor das mer enang ned hei muesse d Hand gae) metere Konschtcherze ir Hand ond so uftagglet wies nor gange esch, i vo stouze Oeutere vougstopft Gymroom gschrette.
Dress ond Make-up esch Pflecht gsi, ond so esch auso ei Diva nach der andere im beschte, knappschte (ond zum Teil chotzgrusige) Chleidigsstoeck erschene, wo si ergendwie hei choene uftribe.
D Herre uf der andere Site heis natuerlech eifach gha ond nor i ehre Azog muesse schloepfe. Aber es paar vo de ladies do hend ehres Coiffeurappointment scho Woche vorhaer bueched gha.
D Kollegin ond e heis allerdengs guet breicht, woeu wehri Gaschtschwoeschter es flair foer make-up ond Frisure hed. Do hei mer auso nor ufe Stueu muesse setze ond warte, bes eim im Spiegu e Cinderella agluegt hed. (Oder so… ;P)
S loufe met de obligatorische high heels esch allerdengs e anderi Gschecht gsi. Ond do i ned ombedengt e Fan vo dene Dingers bi, heds wahrschinlech eher truurig usgseh, woni wie uf Eier dor d Halle gschrette bi. Mini Fuess hei ar ganze Prozedur ou ned so Froeid gha…
Ond obwou i mer so uftagglet chli komisch vorcho bi, hei mer doch (naebscht Fuessproblem) e guete Obe verbrocht. S Publikum hed sech d Haend wond klatsched ond aui si zfrede gsi.
Zum Gloeck hei mer nome liecht gfrohre, wo mer nachm Konzaert liechtbechleidet dore Schnee is Auto gsecklet ond deheime, mued ond erschpoeft is Naescht gheit si…
PS: Foeteli choennt de vellech no, wennis fertig brenge…
5 Kommentare
Kommentieren
(zuerst einloggen wenn du ein Mitglied bist!)
Luisa @ Norwegen, UWC 
Sophie @ Portugal, AFS 
Sime @ Spanien, AFS 
Anic @ Kanada, STS 
Lükku @ USA, YFU 
Fee @ Frankreich, AFS 
Ariane @ Neuseeland AFS 
Anja @ Italien, AFS 
Noemi @ Indien, UWC
hey anic
e uftakleti tochter……jo, do wördi gärn foti xe…
, mol luege, öbi di no kenne…….
das muesch dehei ir schwyz au mol vorfüehre, jojo !!
bi üs warte mir vergäbe ufe schnee, er wott eifach ned cho….
gli chont jo dr santa claus…..oder wie heisst dä typ z`kanada? ämu ned wiehnachtschindli….
isch würkli sehr interessant xi, dini gasteltere do bi üs ir chochi z`ha, während du in kanada besch…
es si sehr tolli, offeni lüt & i cha begriffe, dass es dir bi ihne gfallt.
sie sind übrigens au sehr angetan vo dir.
heyo, bi minere guete erziehig…
i wünsche dir no ganz e schöne räscht vo däm johr,
gniess alles i volle züg !!
ganz liebi grüess dini schwyzer-mam
hey anic!was du aues erläbsch…esch jo eifach vou genial!aha, dini gaschtöutere si aso ou scho do ir schwiiz gsi…fendi cool!du, das feschtli schiint jo vou der hammer z gsi si….du in high-heels…*am bode ome chogele ond kapottlach*…cha eg mer bi der beschte fantasie ächt ned vorschtöue…aber esch secher e interessanti erfahrig gsi…*räusper, räusper*hihi…jojo…eg dörf jetzt de grad mou no a mis pout hocke ond lehre, wöu mer so vou schträng hei…lüte der de äuä om d wiehnachtsziit no einischt a, wenn wetsch…lg tanj
Hey Anic
WOW, das Foti, han auso 2x müesse luege ;o)
Esch aber härzig!
chunsch bitte so mol id Pfadi *hihi*
Hoffe doch, der geits guet?
wünsche der wiiterhin en guete Ziit, there ;o)
grüessli
Martina oder au solero ;o)
Hey der Fretze.
Jo e weiss, has saeuber ou fasch ned choenne gloube…
Bi aemu jedes mou verschrocke, woni i Spiegu gluegt ha: “Who’s that?!”
Muess auso saege, dass i ned jede Tag so wett omeloufe, ou ned jede zwoeite, aber aus Erfahrig eschs eich scho raecht gsi.
Ond so id Pfadi, das channi der versechere Solero, chomi secher ned. Do troui uesne Woeuf ond m Hang vor Pfadi Dullike zo spontane Schlammschlachte eher ned…!!!
jo hey ….das gets jo ned….das foti esch jo zom gröööle…nenei, esch emu es härzigs chleid…hoffe du erläbsch wiiterhen no so geils züüg…man hört sich!ciao