Exchange Blog Project

Sime Boschuur…

January 19th, 2007 | Geschrieben von Sime.

jaja...

jaja...

Hallo Zaeme!

Uff…do isch jo nuetme los, he…de schribi mou chli uf was ig so mache;)
Aso do het jetz im Insti s 2.Trimester agfange, nachdaem mer s 1. meh oder weniger mit bravur abgschlosse hei;-))

Mittlerwile checki aso wuerk aues, bi jo schliesslech au scho 4.5 Monet do. He, das schiint soo lang und doch so churz! Wenimer daenke, 4.5 Monet imene froemde Land ohni niemmer, dasch laeng und hert. Aber s Gaegeteil isch passiert; I finge wennme so zruggluegt (aso eich wie immer) chunnts eim churz vor und i has wuerk guet gha do. Dasi Problem mit der Gastfamilie gha ha isch zwar nid toll gsi, aber i finge, wenn mou Problem hesch lehrsch oepppis, emu fasch meh aus us Situatione wo aues guet louft…Jetz bliibe aso no 5.5 Monet, aso chame eich saege, i bi fasch ir Haubzit…Heiweh hani zwar i gwuesse Situatione scho gha, aber eich nid soo schlimm;) Aber i merke, wasi wuerklech vermisse ussder Schwiz: Schoggi, Chaeuti, Naebu, Schnee und d Landschafte. Und Solothurn isch haut s schoenschte Stadtli uf dere Waeut…Aber jo, das hani jo scho vorhaer gwuesst;P
Uebrigens isch au e Spanierin i mim Auter mit AFS in Solothurn, i ha aber kei Kontakt zu ihre, leider…..

Jo auso, jetz blibemer au d Idee us, womitme euch no so cha ungerhaute…

Ah,das no:
Gester Nomi hei d Aurora und ig ues chli glaengwilet…de verzoeutsi mi, sie wuerd soo gaern mou sones professionells ‘Fotoshooting’ mache. I nid ganz sicher, obsi das aernscht meint, fo ah, si z fotografiere, bis si druf bestoht, dasi au druf chume…Ok, aber nid id Kamera luege, hets gheisse….und waer schummlet?;-))
Lg Sime

15 Kommentare

  1. Geschrieben von: Ürsu, January 19th, 2007 17:34
    Ürsu

    Salü Sime!
    schöön wider öbbis zghöre! geut dasssder guet geit, und ergange isch! i cha jo die spanierin in solothurn go sueche, cha jo scho chli schpanisch (donde tu eres?) hehe! so. mues is bett ;)

    te quiero mucho.
    ürsu

  2. Geschrieben von: Sime, January 19th, 2007 18:30
    Sime

    Hey du!
    Jaejo, suech du die rueig, vo Indie us…;P;P
    Nenei, i froge am Sunnti mou der Tutor vonere KOllegin do, dae weiss wosi isch und aus;)
    Uebrigens isches (de dónde eres?)….

    te quiero también.
    sime

  3. Geschrieben von: lm, January 22nd, 2007 22:34

    simi gsesch uns wie n füumstar!! dini megastouzi lm

  4. Geschrieben von: Ürsu, January 24th, 2007 17:12
    Ürsu

    hehe! wirde mers mers märke! ;)

  5. Geschrieben von: Bäschtu, January 24th, 2007 19:24

    Wieviu Sproche wotsch eigentlech no lehre? ;-)
    Du chasch jo scho fasch 6…

    (Dr Artiku losch im Spanisch immer wäg wöume jo am Värb ekönnt um weli Person dases sich handlet. Wenn dr Artiku schribsch denn nume zums betone, z.B yo quiero, pero la gente no sé… quizás tambien o tampoco.)

  6. Geschrieben von: Bäschtu, January 24th, 2007 19:46

    ig mein natürlech también nid tambien und Subjekt nid Artiku ;-) … obwou die Akzent lö Dlüt in Spanie eh wäg, z.B. chöisi dört d Akzänte schlächter setzte aus mir do ir Kanti het mou d Lehrerin gseit…

    @SIME. Auso eini vo üsere Klass (Gina) isch vorgeschter uf Spanie gange. So blondi Hoor und relativ chli… wenn wotsch ig chadr d Email gä.
    Was hesch denn du für Problem gha mit dinere Gastfamilie?

  7. Geschrieben von: Ürsu, January 25th, 2007 10:27
    Ürsu

    hehe! komischi sach, aber irgendwie geut, denn mues me nid so fill schriibe…! pedasso de mierda! nenei, aber das isch undgefär aues wohni cha. quiero chocolate e una servesas! ;)

  8. Geschrieben von: Sime, January 25th, 2007 19:37
    Sime

    ¿Queréis que escribo en español? ¡Ningún problema! Però m’agrada més el catalan i ho sé millor…
    Im uebrige hani nid verstange was du wosch saege, Baeschtu…sorry….
    lg sime

  9. Geschrieben von: Bäschtu, January 26th, 2007 19:18

    Sime, ig ha wöue säge mi seit jo nid ‘yo quiero’, nur ‘quiero’ und z.B. au nid ‘tú tienes’ sondern ‘tienes’ ohni Subjekt (wär?). Wenn seisch tienes isch jo klar dass s Subjekt ‘tú’ isch und wenn’s trotzdäm seisch isch das nid Spanisch. Mi seits nur denn wennme wot betone oder wot klar mache, z.B. Ig(!) isse, isch mer glich was dir(!) derzue säget!!!
    Oder z.B. öbber seit: Im Winter schwümmt me nid i dr Aare und du wotsch säge, dass du dass ebe trotzdäm machsch…
    Oder öbber seit: Man isst keine Suppe in Deutschland und du seisch, du issisch Suppe. No se come… –> Si es verdad, pero yo(!) como!!!

    Du schribsch obe jo eu nid ¿Ustedes queréis que escribo en español?

    Aues klar wienis meine, stoht irgendwo au im Caminos?!

  10. Geschrieben von: Sime, January 26th, 2007 22:38
    Sime

    Jo guet daschmer scho klar, aber wieso seisch du mir das…?

  11. Geschrieben von: Bastian, January 26th, 2007 23:14

    Nei…hehe… ig has jo nid dir gseit ;-) . Drum hani jo witer unde erscht @Sime gschribe gha. Das mit dr Erklärig isch füre Ürsu aus Tipp gmeint gsi, wöu är donde >tu

  12. Geschrieben von: Bastian, January 26th, 2007 23:17

  13. Geschrieben von: Sime, January 27th, 2007 12:24
    Sime

    Achsoooo….jetze checkis…;-)) Aber bider Frog voder Uersu gstoeut hesch nimmtmes aube glich dri: Dónde eres tu…;)

  14. Geschrieben von: Grosi, January 27th, 2007 16:59

    Hey Sime, das tönt ja alles sehr profimässig!
    Wir sind sehr stolz auf dich, du meisterst das Auslandjahr sehr gut.!!! Weiterhin viele gute Erfahrugen. Alles Liebe von daddy und grosi

  15. Geschrieben von: Ürsu, January 29th, 2007 13:05
    Ürsu

    hehe! jaja, aber am eifachschte isches jo immer no weme eifach das brucht wo me weiss, und solang’s oepper vertooht ischs jo gliich! (ich mein was isch dr point wenn chasch n perfekte satz saege, wie mit der aare im winder(kuhli idee uebrigens!:)) oder wenn in spanie bisch und chasch saege quiero una servesas! ich mein jo nume das es fill me spass isch oeppis fausches z sage und irgendwie glich dermit dure z cho =) (so funktionierts emu bi mir :)

    hihi..

Kommentieren

(zuerst einloggen wenn du ein Mitglied bist!)