Exchange Blog Project

Anic Grmlgrmpf!!!…

März 03rd, 2007 | Geschrieben von Anic.

Hopp Schwiiiiz!!!!

Hopp Schwiiiiz!!!!

Eismou haetti mer choenne der Schoss gaeh!!!

Do i i de letschte zwe Woche met ere Verchoeutig z kaempfe gha ha, ond das haut veeeli, veeeli Stonde deheime omelegge ond sech langwile beduetet, hani beschlosse, weder mou mini troeii (oder ou ned) Kamera voere z naeh.

So bini auso chli am omechnoepfle gsi ond ha mini Foeteli vo de letschte 2 Moenet bestuned: Boeuder vo Langloufroenne, wo mini Gaschtgschwoeschteti grad d Ziulinie oeberquere, Boeudli vom Ross-Schlette ond mine Kollege do, vo uesem Horse-sleigh-ride-adventure, Foeteli vo daem Hammer Canyon wo mer dorchquert hei ufem Waeg hei vo Vancouver ond alli andere Schnappschoess, woni uf daem Trip gschosse ha.

E bi mer grad so am oeberlegge gsi, dassi die Foeteli vellech langsam ufe PC soett lade - ond i daem Momaent eschs passiert!

E weiss jo ned was i mi i daem geischtesabwaesente Momaent grette hed (wahrschinlech all die Medikamaent woni ha muesse schloecke) aber ploetzlech si mini Fenger ufe “Alles loeschen”- Chnopf cho.

NNNNEEEEEEEEEEEEEEEEIIIIIIIIIIIII!!!!!!!!!! SHOUT! SHIT!!! CRAP!!!! STOOOOP!!!!

Aber leider hed ou die modaernschti Kamera no ke Ohre ibout ond do hed aues schreie ond flueche nuet gnoetzt. (Zum Gloeck si mini Gaschtoeutere ned dehei gsi, die heis ned gaern wenn me schlemmi Woerter seit. Do in Smithers darfsch drom s “S-Wort” ond s “F-Wort” ned emou daenke :-) )

Laeck bini haessig gsi!! E ha nome schnaeu inere schwache Sekonde wechtigi Erennerige vo 2 Moenet gloeschet!!!

*paeng*

S Foeteli hed allerdengs nuet met daem z due.

Dasch mou einisch “up on the skihll” gsi, wo d Laura (ou Schwizerin) ond eg gfonde hei, dass das doch der perfekt background esch…

3 Kommentare

  1. Geschrieben von: uersu, März 3rd, 2007 11:41

    saluue!

    s gliche isch mer au scho passiert, aber nid nume das der eifach d bilder vo de letschte ziit verloore goend, hamer der ganz pcgloescht ghaa! schonoes bloeds gfueu, aber d bilder soet me jo e irgendwo im haez oder chopf umetraege, und nid irgendwo andersch…will die bildeer wodi nid dra erinnerisch macheke unterschiid..!

    gruessli
    uersu

  2. Geschrieben von: Anic, März 4th, 2007 23:17
    Anic

    Wow, das hesch aber schoen gseit! ;-)

  3. Geschrieben von: vane, März 5th, 2007 19:00

    hey, das cha mou passiere. solang aus no usfüerlech erkläre u verzöue chasch, isch das jo net so schlimm. ifreu mi au so vo dinene erläbnisse zerfahre au wenn weniger bieuder häsch.

    lg usem aargau

Kommentieren

(zuerst einloggen wenn du ein Mitglied bist!)