Exchange Blog Project

Anic Gruezi!

March 21st, 2007 | Geschrieben von Anic.

Das waer e, d Kim ond d Lisa vo Australie

Das waer e, d Kim ond d Lisa vo Australie

Der Uersu esch jetz grad ergendwo im Himalaya ond schoettlet em Yeti d Haend, d Sime esch wahrschinlech ou beschaeftigt ond uf dere Site esch scho lang ke noeie Kommentar me bigstuered worde.

Drom machi das jetz ;-)

Do mer jo grad e monteri Froende-Vorstellig hei, stueri i daem Senn ou mi Bitrag derzue bi ond zeige uech, met was foer Fretze i mi do so abgebe.
(Muess jo a dere Stoeu ned zuegaeh, dass i die Luet zaut ha, demet si ufem Foti aus fake-Kollege erschine) ;-)

Nenei…

E weiss, s Foti esch e chli oeberbeliechtet, aber ebe…

D Lisa esch vo Australie ond esch ersch oeppe sit 2 Moenet do. Mer hei ues mou einisch ufem skihill troffe ond ues sofort tip top vestande.

Wenn met oepperem wottsch Seich mache, muesch zur Kim goh. Dere spennts naehmlech e chli (oder soell i saege: genau so wie mer?) Ond oeb wottsch es Liedli traellere, ufem Tesch ome drumme oder eifach soesch bloed due, d Kim esch foer so oeppis emmer z ha.

D Marion, woni gloub ou scho ergend einisch erwaehnt ha, chonnt ou us der Schwiiz ond mer si wie Schwoeschtere. Mer si zaeme scho uf divaerse Trips met uesne Gaschtfamilie gsi ond obwou mer ues zwoeschedore uf d Naerve goei, hei mer ues im Grond gnoh saumaessig gaern!

Denn esch do no der Neil, wo ir Regu met sim Tschaeppu aztraeffe esch nd emmer e bloede Sproch drof hed,

Der Eric, wo wahrschinlech der gschitscht Schueler esch wo ir ganze Schuel atreffsch. Wie ner das macht, weiss i allerdengs ou ned, woeu ne eich gaeg alli Erwartige saeute met der Nase imene Buech fendsch. Aer esch auso ned der besserwoesserisch Streber Typ sondern eifach e loschtige Cheib met emene oeberdorchschnettleche Note-Dorchschnett. (Cha me das saege?)

Witers waer do no der Garet, oder schlicht ond eifach “The Dork in the Hat”, wo e zemleche Tick ir Schoessle hed, d Karo us Duetschland, wo ergendeinisch Olympia-Gold im Schwoemme hout, der Josh, der ander Josh (do heisse sowieso alli Type entweder Josh oder Cody!!..), d Carly - la chanteuse, …

Faus mer der Uersu ergend einisch erklaert, wie me meh aus eis Foti pro Kommentar cha veroeffentleche, werdi uech vellech mou no Boeuder zu dene Naeme zeige.

Bes es so wit esch, woenschi uech e wonderschoeni Zit, gniessed d Schwiz no chli ohni me,

ond natuerlech vermessi mini Fretze im schoene Oltner Betonchaschte ou e bez! (Ond die vo osserhaub ou :-) )

8 Kommentare

  1. Geschrieben von: Martina Schenker, March 21st, 2007 12:46

    Hey Momo ;o)

    Wow, meh ghört jo gliich no was vo dir!! Schön as no läbsch…..:o)
    Do bi üs laufts guet….Höt obe hei mer dr Höck met dr Alea…. und mer hei jetzt sowiit praktisch alles fertig för üses geile Lager ;o)

    Jo, wör mau säge bes gli ;o)
    heb der Sorg

    Grüessli
    Martina

    p.s. wasi fascht vergässe hätt: Balduero stinkt nöd!!! *lol*

  2. Geschrieben von: Anic, March 22nd, 2007 01:20
    Anic

    Hey Martina / Solero / egal…

    Jo, gaeu, zwoeschedore trifftet haut ou no e Nochrecht bes zur schoene Schwiz dore ;-)

    Wie voeu Chend hei sech foers Lager agmaeudet? Ond woe voeu heit der aube ir Regu a de Uebige so, eschs no glich?

    Voeu Gloeck de daemfau met der Alea (die hed ues jo sowiso gaern, moeit ere nome s Kafi zahle wo si trenkt ond denn esch das Thema abgschlosse.)

    Au bes gli ond hebed es wonderschoens Lager!

    Gruessli,

    Anic/Momo

    Ps: Doch! E schmoecke de Balduero sogar bes dohe!!!

  3. Geschrieben von: Martinchen ;o), March 22nd, 2007 11:23

    Hallöchen…..

    bes jetzt hei sech glaubs 7 agmäldet ;o) Aber amälde schloss esch am Mäntig…. mer hoffe no ;o)

    Ade üebige seis normaler wiis zwösche 15 und 20 je nach däm halt, was sesch no esch…..

    d Alea hed üses lager akzeptiert… und jo, mer hei ehre dr tee zahlt *lol*

    Das chan gar nid sii, dass du d’Balduero bis zu dir schmöcksch, hesch doch kei ahnig….mann…..;o)

    grüessli und schööön suuuber bliibe

  4. Geschrieben von: Tanj, March 22nd, 2007 22:38

    hey aniiic!
    boah…me ghört tatsächlech ou mou weder öppis vo der…aber wie seit me so schön: wenn me nüt ghört, louft meischtens aues beschtens=)
    hehe…jo, du wenn wetsch, scheck eg der de mou no einischt aui lageronterlage, okay?du, hesch du mis letschte mail eigentli becho?
    schribe der de secher mou weder einischt…
    so, go mou langsam rechtig bett…ha chli es schlofmanggo!
    dämfau, i hope to hear something from you!

    tschüssli
    tanj

  5. Geschrieben von: Anic, March 23rd, 2007 18:41
    Anic

    Hey Tanj!!

    E ha scho lang kes Mail meh vo der becho! Wenn hesches gscheckt?

    (Ond der saeget emmer: \”ghoert me ou weder mou oeppis vo der\” DER MAEUDET UECH JO OU NIE!!! Nei Seich :-)
    Jo, mer gohts tip top! Woerd d Lager-Onterlage gaern mou doreschnoeigge!

    Yeah, s Lager esch akzeptiert worde. (Ned dassi jeh Zwifu dra gha haett, aber ebe ;-) )

    Soell i uech jetz eich einisch mou e Brief oder so foers Lager schribe?

    @ Solero: Klar blibi suber, wott jo schliesslech ned so afo stenke wie d\’ Balduero :-)

    tschuessli ond e liebe Gruess!

  6. Geschrieben von: tanj, March 23rd, 2007 19:17

    hey anic!sorry, aber e ha wörkli s gfüeu, dass eg s letschte mail gschrebe ha…aber easy!jo, de scheck eg der de mou die sache…du, das wägem brief…hm…dä hei mer jetzt de öutere ond de wöufli ebe scho müesse zueschecke…sorry…aber vellecht fende mer no e andere job för de, okay?lg tanj

  7. Geschrieben von: Anic, March 24th, 2007 21:39
    Anic

    hm… das cha si, dass du mer s letschte mail gschrebe hesch.. SORRY denn!

    Bi haut maengisch chli slow..

    gruessli

  8. Geschrieben von: vane, March 25th, 2007 17:24

    hey anic,

    das freut mi, dass mer wieder öpis vo der ghört. i freu mi emu mega wenn wieder ir schöne im momänt chaute schwiz bisch u aues mit föteli chasch berichte. bis natürli di wo us dummheit oder abweseheit glöscht häsch. was jo cha passiere. ahjo bi de bi mim bruef interwiut worde.

    auso de heb no e schöni ziet,

    u e liebe gruess usem chaute mit scchneeräschte beleitem aargau

Kommentieren

(zuerst einloggen wenn du ein Mitglied bist!)