Exchange Blog Project

Sime Processió

April 01st, 2007 | Geschrieben von Sime.

Hallo Zaeme!

Do in Spanie wird am Osterfriti (oder isches Karfriti?) d Osterprozession gmacht. Das heisst, am Obe am 9ni chame ufd Stross und oeppe 30 (zum Teil au jungi und guetussehendi:P) Manne goeh us Soldate verchleidet duerd Gasse und schloeh mit de Speere e Takt. Si stoeue d Soldate dar, wo der Jesus gchruetziget hei. Hingedrii louffe Luet mit Jesuschruez und Symbou ider Haend, wo aui es schwarzes Gwand anhei, miteme (nennemers mou) Zauberhuet und verdecktem Gsicht. Si si Luet vom Vouk wo gsuendiget hei und zum Teil au Barfuess hingedrii louffe. Fruecher si aui Barfuess gsi, s Gsicht verdeckt dasmese nid erkennt het, huet si die meischte mit Socke oder Schue gloffe, het jo graegnet (was fuer einisch nid d Absage beduetet het!). Denn hets no zwoeimou e gruppe gaeh wo e fahrbahri Riisestatue vo Maria und Jesus gstueret hei und am Schluss no Luet mit Cherze. Derzue hets musig gaeh und aui Luet hei gschwige und aernsti Gsichter gmacht. Do ischz zwar nid ganz so straeng gsi, witer gaege Suede si d Strosse no viu vougstopfter und d Luet schwige wuerk aui. Nachdaem dae Zug aso e Rundi duer d Stadt gmacht het gohtme id Chueuche zur Maess, me singt und baetet und geit denn ufe Hauptplatz go Musig lose und schwige.

I hanech nones Foti dasdernech die Schwarzhuetler au choeit vorstoeue, heit das sicher auscho i Fueume us Sekteluet gseh…;-)

so long…

sime

Zum Biud: me gseht leider nur im Hingergrund die mit de wiisse Huet wo die mit de schwarze begleite…und au nur vor der Prozession am warte, d Kamera het naecher leider gspunne….=(

3 Kommentare

  1. Geschrieben von: uersu, April 8th, 2007 13:34

    Salue! bi mir isch bis huet no keinerlei oschterstimmig ufchoo, aber huetmorge hed mi county-mate mir e schoggioschterhaas as bett brocht! mega libe ;) und geschter hani oschterhase bachet! hehe!

    bius gii
    uersu

  2. Geschrieben von: Sime, April 10th, 2007 11:47
    Sime

    Saliii…
    Do in Spanie waerde keni Osternaestli gmacht, darum hani au kei Osterhaas^^
    Aber mir hei im Faernseh gseh, wieme Ostere i angerne LAender fiiret und de heisi ebe au Duetschland zeigt und mi Gastvater hetmi gfrogt, obi au es Naestli wott…

    Wie chunnsch de du derzue, Osterhase zbache?

    bis glii
    sime

  3. Geschrieben von: uersu, April 12th, 2007 07:35

    auso: bi grad am oobe am 1 “hei” choo, und denn hani im common-room(en ruum wo me cha bache, kleiderwasche und socialize) mini landes-verwandti gsee teig mache… und so hei mer bis am 3 am morge oschterhase bachet und baernduetschg redt….!

    liebe gruess
    uersu

Kommentieren

(zuerst einloggen wenn du ein Mitglied bist!)