Spring break
Der “Easter Bunny” esch weder i sis Erdloch kruechet zum go Eier foer s noechschte Johr amole ond ond d Fruehligsferie si ou scho ome.
Mer si metemene voubeladene “truck” oschtwaerts rechtig wonderschoens “Jasper” gfahre om es paar Taeg Wentercamping z gniesse. Us daem esch denn allerdengs nuet worde, do ues d Sonne e Strech dor d Raechnig gmacht het ond ues i sommerleche 21 Grad hed lo schwetze. (Ir Nacht esch es allerdengs om d Nollgradgraenze ome gsi, ond do besch foer de zwoeit Schlofsack imene Zaeut eich schono dankbar…)
Zwe Hetzeschlaeg vo minere Schwoeschter ond minersits ond einigi Stonde Erholigsschlof spoeter hei mer ues denn ufe Waeg uf “Grande Prairie” gmacht, wo sim Name dor sini flache Ebene alli Ehr macht. I de 4 Stonde fahrt doerthe, hei mer oeppe 60 toti Elche am Strosserand gseh. Mer hei ufghoert zoeue, woeus doch e raecht trurige Ableck gsi esch… (Es paarne Elche hei sogar d Choepf gfaeut ond die hange jetz wahrschinlech ergendwo usgstopft anere Wand…)
Aber abgseh vo daem si d Fruehligsferie doch sehr heiter ond froehlech gsi. Ond wenigschtens hei d Woeuf jetz oeppis z fraesse.
7 Kommentare
Kommentieren
(zuerst einloggen wenn du ein Mitglied bist!)
Luisa @ Norwegen, UWC 
Sophie @ Portugal, AFS 
Sime @ Spanien, AFS 
Anic @ Kanada, STS 
Lükku @ USA, YFU 
Fee @ Frankreich, AFS 
Ariane @ Neuseeland AFS 
Anja @ Italien, AFS 
Noemi @ Indien, UWC
hei! werum si di oeuche alli killt worde? isches illegali jagt oder so? aber denn naeme si ne nume d choepf abb, oder was?
liebe gruess
uersu
Hey!
Nei, es esch “road kill”, auso si si alli agfahre worde. Dasch drom entlang emene zemlech grade Highway ond bsonders ir Nacht wenn gwoessi Luet chli schnaeu fahre ond ned ufpasse chonnts leider vor, dass d Elche, etc. moei dra gloube.
E hoffe das wenigschtens d Autos etc. ou e vernoenftige Schade dervo traege…
boooaaahhhh……..die arme tierli !!!!
e dänke, es muess jo ganz schön tätsche, wenn eim sones riesigs tier bim fahre id queri chonnt…….. so wärde au d`auto e schade devo träge….
e be froh, dass du, mini lieblingstochter, ned i so en unfall verwicklet worde besch ….
sösch hättisch gar no es 2. gweih id schwiz gschmogglet ;-D
hey anic!du, wie läbsch so? chasch du mer ächt no einischt dini adrässe in kanada agä?
lg tanj
hallo anic-mami=)
ES GET EMAU DOCH WONDER!d anic het mer nämmli ehri adrässe grad gschrebe gha, per mail…
aber merci glich!
@anic: das muesch jetzt ned bös nä…hihi=)
Hey Momo….
du, bevoris vergässe…. Wett mi no bedanke för dini Geburicharte…..woni eigentlich äuä ufe 28.8 hätt sele becho letscht Johr und nid erscht vor 1nere Wuche….Lol
d Kaja….chunt plötzli, du glaubsch nid wasi gfonde han, woni der scho lang setti gä! Hihi
tja….so chas go
aber ebe gäll…. MERCI
KAJA!!! Ond e ha mi uf de verloh!!!…