Exchange Blog Project

So!… Mini zit do in Indie geit am aendi zue. Das hed siis guete und schlaechte. Klar vermissi d schwiiz, und ha droim dervo wider mit de familie zaeme z sii und all die luet draeffe wo me ke oder wenig knotakt duers joor hed ghaa… aber es heisst au, das es do 100 luet git wo i mim noechschte joor do in indie faehle waerde. und die luet wird ich warschiinlech nie me im laebe gsee… und nume wenig vo ne ghoere.

Aber das heisst nid das mir im momaent do voll di truurig stimmig hend: s laebe good no immer i voillem tempo. und das hed unger anderem dermit z due, das mer am end vom joor abschluessendi exame hend. Fuer mich heisst das Duetsch und Psychologie… die beide faecher wirdi beidi das jopopr abschluesse und das heisst, das ich noechscht joor nume no 4 faecher mache. ich hoffe s noechschte joor chani chli besser uf d schuel fokussiere, will mi noteschnitt im momaent zimmlech dunde isch, will i haut eifach nid gnie isatz im akademische teil vo minere ziit do ha gae!

s noechscht joor gseet scho fillverspraechend uss: s college wird 10 johr alt. und das heisst, das mer e geburtstagsparty organisierend und gaescht wie der ben gor (weisch da typ wo nid praesident vo der US isch worde und jezz eine uf pro natur macht!) und der indisch praesident aus gaescht do waerde ha. ich bi im organisationsteam, und mir hend scho nes planignsmeeting mit de eventmanager vo bombay gha! wir e kuhli sach!

noechschtjoor wirdi au 2 activities leite: Fotografie und Volleyball. Das wird sicher au oebbis z due gae, will beidi activities nid wuerklech interessant gsi sind i daem joor. aber ich ha gueti mit-leiter: d nadine vo venezuela isch im fortografie team und me so uf analogfotographie spezialisiert, so si mer es zimmlechs usglichenes team! und volleyball leiti zaeme mit em valentin, da chunt vo mexico und spueut 3 mou besser volley aus ig ! (irgendwie sind beides spanisch schpraecher, und isch no luschtig aubes mit mim spanisch!)

ich brobiere au s college derzue z bringe, opensource software z nuetze. das isch software wo luege vo ueberal uf der waeut dra mitschaffe, und das ideam das idee und erfindige frei teilt waerde und nid irgendwelchi copyrights uf em programm und der ideee lige. das heisst es movement waeg vo der microsoft monopolie! mir waerde au es paar computers ha vo vollkommen uf freier software ufbout waerde si und ububntu linux zur verfuegig stoeue waerde!

langsam muesi mol drueber nochedaenke was z mache wenn ich wider dehei bi! sicher mou go schaffe und denn mou go luet bsueche! und mit em ustusch-blog-projekt mues ig luege wienis wiitermache, wenn i zit ha es paar exchange-programme-luet go traeffe und es par luet organisiere!

aber suesch weiss i gar no nid was mache usser asse und trinlke, schloofe! gueti schwiizer schoggi-jogurt, am mami ihri lasagne und spagetthi und mis bike und d baerge, d natur, und gueti grillobende!

so… bis glii
uersu

..wenn de mi laeptop wieder us bangalore zruegchunnt chani de wieder oe-puenktli toeggele! aber irgendwie isch da sit 2 wuche im service!!