Exchange Blog Project

Sime D Täg si langsam zöut…

Mai 04th, 2007 | Geschrieben von Sime.

So…au mini Täg do in Spanie si langsam aber sicher zöut und i mues langsam überlegge, wasi do no möcht gseh, erläbe, mache etc. do bevori de i 2 Mönet scho wider id Schwiz chume…

Angersch aus der Ürsu chanimer de das nid ider Schwiz überlegge (so im SInn vo, me gseht wennme wäg isch de, was eim no gfaue hätt) wöui jo nümm oder nurno für Ferie wirde zruggcho;-)

Au wenn die Zyt eich scho läng isch gsi ischsi glich ganz schnäu düre und irgendwie isches scho schaad dasmer glii aui wider göh…vor auem, wöu mir Ustüschler us Catalunya e super-Gruppe hei biudet undsmer schwär faut, mir vorzstöue, si nümme zgseh. Vor auem d Amanda isch jo fasch wiene Schöschter worde, au wennmer üs trotzdäm mir so nöch wohne eich säute bsueche^^

I ha das Johr mir au sine Facette (wieme so schön seit…) totau gnosse und bi sicher, e Erfahrig f¨r s Läbe gmacht zha…und jetz chani no 2 Sproche meh:D

….Auso isches wie wennme vomene Klasselager heichunnt, me möcht nid hei aber freutsech glich durf…=D

5 Kommentare

  1. Geschrieben von: uersu, Mai 5th, 2007 06:22

    bi mir isches haut nume di eint hoeufti wo ni nie me wirde widergsee… du hesches irgendwie glich no eifacher, wiol d luet fo spanie oder vor schwiz (oder au europa?) sind….
    uersu

  2. Geschrieben von: sime, Mai 5th, 2007 16:11

    die si au usder ganze wäut, us japan, thailand, usa, kanada, alaska, schwede…..ebe, usder ganze wäut:P

  3. Geschrieben von: uersu, Mai 5th, 2007 17:27

    hehe! de geit ues gliich.. us alaska?!
    uersu

  4. Geschrieben von: sime, Mai 5th, 2007 21:57

    jo genau…alaska=)

  5. Geschrieben von: Anic, Mai 7th, 2007 22:35
    Anic

    E bi z Alaska gsi!
    hehe… allerdengs nome i daem chline Zepfu wo in British Columbia lamped, ond ou nome es paar wenigi Kilometer doert ine.

    Si hei ned mou mini ID woeue gseh bim i- ond use goh, obwou d USA jo do ir Regu seeeeeeeeeeehr gnau esch…

Kommentieren

(zuerst einloggen wenn du ein Mitglied bist!)