Exchange Blog Project

Anic Prom ond anders!

Mai 12th, 2007 | Geschrieben von Anic.

My crew

My crew

Oje, das toent jo truurig, wenn me dor die zwe letschte Artekle lest!!

Drom schiebi gloub mis Fazit no chli use ond schribe oeber s grosse Event wo sech letscht Weekend ereignet hed:

Waer hed ned scho mou e amerikanische teenage-Foeum gseh, wo Highschool-schueler die woeudischte Sache dor ehres Schueljohr erlaebe? Meischtens gsei d Schouspeler voeu oeuter us, aus es ir Realitaet (aemu do in Smithers) esch, ond ou s Klischee, dass sech d Footballplayer met de Cheerleader verlinke, stemmt do ned ganz, do mer do zum Gloeck kei omehopsendi Pon-Pons hei.

Allerdengs d Gschecht metm grosse Abschlosstanz, d “PROM” foer d “Grade 12 people” stemmt:

Alli wo das Johr d Schuel abschliesse hei a daem dorchus wechtige Alass teil gnoh. Me hed sech weder mou uftaggled ond 99.9 % vo de Dame hei sech aextra e noeie Prom-dress zue do, wo mendischtens 300 Dollars (=oeppe Franke) koschted hed.
Ar Prom saeuber heds zersch e Stond lang knipst ond bletzt im Kameraliecht, met Kollege, em Date ond stouze Oeutere, bevor mer die denn dankend verabschedet hed ond d Party (natuerlech ohni Drugs ond Alkohol) hed choenne starte! Es esch tanzet, glachet ond gaesse worde ond bsonders d Paerli hei d Slowdances aeng omschlonge total gnosse!

Anschliessend am 11-i si die meischte Luet denn zunere After-Party gange, wo si sech denn dementspraechend besoffe hei, ond waer weiss, was do no foer Sache zue ond haer gange si. Jedefaus si am Maentig druf die woeudischte Gschechte dor d Schuel korvet ond es doch es paar Luet hei no Muedigkeit ond Oebrigblibsu vo ehrem “hangover” ufgwese…

Esch jedefaus huere geil gsi, ond mer hei scho gfonde, dass me oefters soett so Parties lo stige.

5 Kommentare

  1. Geschrieben von: mam, Mai 12th, 2007 11:31

    hey anic

    uftagglet hani di ir schwyz no nie xeh…..
    dass du för so öppis uf kanada muesch……tztztztz

    und was mi au chli interessiert:

    bisch du am 11i hei oder hesch ar after-party d`sou use glo??? ;-)

    hejo, chli nöcheri infos diesbezüglich wetti dini treue ahänger scho wösse…..kichers….

  2. Geschrieben von: Anic, Mai 12th, 2007 19:57
    Anic

    E ha noeime anders met mine Kollege e voeu geileri After Party gha… :)

  3. Geschrieben von: sime, Mai 12th, 2007 21:46

    Hey du

    Isch de die ganzi Gschicht mitem Meitshci-fuere-Prom-ufbaete au so…?^^
    Auso das d Giele scho 3 MOnet vorhaer s Date klarmache und d Meitschi 5 Monet scho luege, waer i frog chunnt und was si alege…;-))

    lg
    sime

  4. Geschrieben von: Anic, Mai 16th, 2007 02:24
    Anic

    Hey Sime.

    Genau so esches. Aemu met de meischte. S loschtige esch ame nome, dass z.B gwoessi Luet 3 Mt. vor Prom die aktuelli Froendin ufbaete ond denn schlossaendlech doch met der noeie goei. ;-)

    Ond aus wiiblechs Date wersch total verhaetschlet: Das heisst, mer bechoeme alli Blueme wo mer oms Handglaenk choei due, mer waerde vo dehei abgholt, d Toere waerde der ufghalte,… Choennt me sech eich dra gwoehne, oder? ;-)

  5. Geschrieben von: vane, Juni 4th, 2007 20:22

    hi Anic,

    so richtig tschentelmässig, demfau? gits hüt fast keni me. dir häts demfau gfalle. das freut mi mega für di.
    lg usem aargau

Kommentieren

(zuerst einloggen wenn du ein Mitglied bist!)