Exchange Blog Project

Anic QCI-Trip-WOW!!!

Juni 11th, 2007 | Geschrieben von Anic.

map of Hida Guai (QCI)

map of Hida Guai (QCI)

Wow, i de letschte 2 Wochene bini praktisch nie deheime gsi!!!

Vor 2 Woche bini drom foer 7 Taeg met Ustuschschueler ond anderne Jugentliche uf d ” Queen Charlotte Islands” go bike ond campe!
That was so amazing!!! Die 2 Insle si met ehrem Raegewaud landschaftlich total andersch aus de Raescht woni vo Kanada gseh ha!

Mer si auso met ere Faehre vo Prince Rupert zu Skidegate (say Skidegt) ond hei doert camped.
Am noechschte Tag si mer uf Tlell biked was oeppe 43 km esch. Es esch eifach ongloublich gsi, du fahrsch am Meer entlang, e froeschi Briise blost der is Gsecht ond ploetzlech entdecksch e Schatte am Bode: E “balden eagle” (die met de wisse Choepf) esch grad es paar Meter oeber dim Chopf doere gfloge!! In Tlell hei mer denn weder es Camp ufgschlage ond si gos “Pesuta Shipwreck” go aluege. Das esch e Teil vomene alte Holz Scheff wo am Strand im Sand steckt!

Schliesslech am noechschte Tag si mer denn vo Tlell via Port Clemens dor Masset zu Agate Beach. Das esch im Gsamte oppe 95 km ond somet doch e raecht astraengende Tag gsi! Aber es hed sech uf jede Fall glohnt! Mer si go Chraebse fische, bi Ebbe id Grotte kroche, hei Agate Stones gsammlet (gsei us wie Glas, si aber Stei), hei Seestaerne bewonderet,… Es hed usgseh wie im Zoo imene Aquarium aber es esch 100% natuerlech gsi! Das esch eifach onbeschriblech gsi!!!

Die Woche esch eifach voeu z schnaeu verbi, mer hei so voeu Sache gseh ond gmacht, es esch eifach ongloublich!!!

Wenn der auso ergend einisch uf Kanada goeit, moeit der ombedengt uf Hida Guai (Queen Charlotte Islands in Native Sproch)go!!!

3 Kommentare

  1. Geschrieben von: Ürsu, Juni 13th, 2007 13:25
    Ürsu

    döhnt kuhel!
    wenn bisch eigentlech wider ume? :P

    lg ürsu

  2. Geschrieben von: vane, Juni 13th, 2007 18:05

    hoi,

    häsch sicher vieu fotis vo dete gmacht, wo mer de usführlech zeige u erkläre chasch. bi scho richtig gspannt.

    lg usem aargau.

  3. Geschrieben von: Anic, Juni 13th, 2007 23:16
    Anic

    E chome am 4. Juli am Nomi einisch z Zoeri a.

Kommentieren

(zuerst einloggen wenn du ein Mitglied bist!)